„ქართულენოვანი ტურისტული მეგზური“ არის მოკლევადიანი პროფესიული მომზადების პროგრამა, რომელიც შემუშავებულია კოლეჯ მოდუსში USAID-ის პროექტი ზრდას ფარგლებში. პროგრამით სწავლა შეუძლია ნებისმიერ დაინტერესებულ სრულწლოვან პირს, რომელიც აკმაყოფილებს დაშვების წინაპირობას და აქვს სურვილი მოკლე დროში მიიღოს კონკრეტული ცოდნა/უნარები ტურისტული მეგზურის საქმიანობის მიმართულებით. სწავლება ხორციელდება სამუშაოზე დაფუძნებული სწავლების მეთოდოლოგიით.
პროგრამაზე მიღება შეიძლება ზოგადი განათლების საბაზო საფეხურის დაძლევის საფუძველზე
პროგრამის ხანგრძლივობაა 10 კვირა, კვირეული დატვირთვა 12 საათი, სულ 120 საათი. პროფესიული მომზადების პროგრამით გათვალისწინებულია როგორც თეორიული ცოდნის შეძენა, ასევე პრაქტიკული უნარების განვითარება. სწავლება ხორციელდება მაღალი კვალიფიციის და პრაქტიკული გამოცდილების მქონე სპეციალისტების მიერ. თეორიული სწავლება ტარდება კოლეჯის თანამედროვე მოთხოვნის შესაბამისად აღჭურვილ სასწავლო აუდიტორიაში, ხოლო პრაქტიკული კომპონენტის შესწავლა ხდება რეგიონის ტურისტული ობიექტების ბაზაზე ტურისტული ჯგუფისთვის საჭირო ინვენტარის გამოყენებით. სწავლებისა და შეფასებისათვის შერჩეულია პროგრამის თემატიკის შესაბამისი მეთოდები. პროგრამის გავლის შემდეგ კურსდამთავრებულები შეძლებენ თავად შექმნან და მართონ ახალი, რეგიონალურ სპეციფიკაზე მორგებული, ტურისტული პროდუქტები და დასაქმდნენ ქართულენოვანი ტურისტული მეგზურის პოზიციაზე.
პროფესიული მომზადების პროგრამის ფარგლებში გათვალისწინებული სწავლის შედეგების მიღწევის შემდეგ კურსდამთავრებული მიიღებს კვალიფიკაციის დამადასტურებელ, სახელმწიფოს მიერ აღიარებულ სერტიფიკატს დანართით.
Georgian 
English