ჰიდროელექტროსადგურის (ჰეს) ჰიდრო-მექანიკური ნაწილის ექსპლუატაციის ოპერატორი

პროგრამის სახე – მომზადება

ეროვნული კვალიფიკაციების ჩარჩოს დონე – მესამე

დაშვების წინაპირობა – საბაზო განათლება,

სწავლის ხანგრძლივობა – 28 კვირა , 297სთ საკონტაქტო საათი

კურსის ღირებულება – ფინანსდება სახელმწიფოს მიერ

განხორციელების ადგილი – ქ.რუსთავი. ჟ. შარტავას გამზ.N4

პროგრამის აღწერილობა

პროფესიული მომზადების პროგრამაზე“ ჰიდროელექტროსადგურის (ჰეს) ჰიდრო-მექანიკური ნაწილის ექსპლუატაციის ოპერატორი“ სწავლა შეუძლია საბაზო განათლების მქონე პირებს, რომლებსაც სურთ მოკლე დროში შეიძინონ ჰიდროელექტროსადგურის (ჰესი) ექსპლუატაციის სპეციფიური ცოდნა/უნარები და აპირებენ დასაქმდნენ ამ სფეროში.

პროგრამის მიზანია, ჰიდროელექტროსადგურების მოთხოვნების გათვალისწინებით, მოამზადოს კვალიფიციური კადრები,  რომელიც მიიღებს ცოდნას და გამოუმუშავდება პრაქტიკული უნარები. კერძოდ. მსმენელები გაეცნობიან ელექტრო ენერგეტიკულ სისტემებს, ჰიდროელექტროსადგურების მუშაობას, შეძლებენ ჰესზე მუშაობისას უსაფრთხოების ნორმების დაცვას, ჰიდრავლიკური კონსტრუქციებისა და ჰიდრომექანიკური აღჭურვილობის და ელექტრომოწყობილობის განსაზღვრას, ჰესზე ოპერირებას

თეორიული კომპონენტი განხორციელდება დაწესებულებაში, ხოლო პრაქტიკული კომპონენტი ჰესზე. პროგრამის ხანგრძლივობაა 28 კვირა. მსმენელების შეფასებისთვის გამოიყენება განმავითარებელი და განმსაზღვრელი შეფასება. განმავითარებელი შეფასება დაგეგმილია ყოველი სწავლის შედეგის დასრულებისას, ხოლო განმსაზღვრელი შეფასება მე-17 კვირას პირველი-მეხუთე  სწავლის შედეგის შეფასება, ხოლო პროგრამის დასრულების შემდეგ მეექვსე-მერვე სწავლის შედეგის შეფასება. თეორიული კომპონენტი შეფასდება – გამოკითხვით (ტესტირება), ხოლო პრაქტიკული კომპონენტის შეფასება განხორციელდება – პრაქტიკული დავალება დაკვირვებით. კურსის წარმატებით გავლისა და პროფესიული მომზადების პროგრამის ფარგლებში გათვალისწინებული სწავლის შედეგების მიღწევის შემთხვევაში, მსმენელი მიიღებს სახელმწიფოს მიერ აღიარებულ სერთიფიკატს, დანართთან ერთად, რომელიც ასახავს პროგრამაში პირის მიერ მიღწეულ უნარებსა და ცოდნას.

პროფესიული მომზადების პროგრამის მიზანია კურსდამთავრებულის დასაქმების უნარისა და კონკურენტუნარიანობის ამაღლება დასაქმების ბაზარზე. პროფესიული მომზადების პროგრამა არის ჰესებში შესაძლო დასაქმების ყველაზე  სწრაფი გზა.

პროფესიული გადამზადების პროგრამის დასრულების შემდეგ კურსდამთავრებული მიიღებს სახელმწიფოს მიერ აღიარებულ სერტიფიკატს დანართით, რომელშიც ფიქსირდება პირის მიერ პროგრამის ფარგლებში მიღწეული ცოდნა და უნარები.