სპეციალური საგანმანათლებლო საჭიროების მქონე ბავშვებთან მუშაობა

პროგრამის სახე – გადამზადება

ეროვნული კვალიფიკაციების ჩარჩოს დონე – მეოთხე

დაშვების წინაპირობა – სრული ზოგადი განათლება,

სპეციალური საგანმანათლებლო საჭიროების მქონე პირებთან მუშაობის მინიმუმ 1 წლიანი გამოცდილება

სწავლის ხანგრძლივობა – 10 კვირა, 188 საკონტაქტო საათი

კურსის ღირებულება – ფინანსდება სახელმწიფოს მიერ

განხორციელების ადგილი – ქ.რუსთავი. ჟ. შარტავას გამზ.N4

პროგრამის აღწერილობა

მოკლევადიანი გადამზადების პროგრამა „სპეციალური საგანმანათლებლო საჭიროების მქონე ბავშვებთან მუშაობა“  შედგენილია ქვემო ქართლის რეგიონის დამსაქმებლის,  ააიპ „რუსთავის ბაგა-ბაღების გაერთიანების’’  საჭიროებების გათვალისწინებით და მათთან თანამშრომლობით;

პროგრამის მიზანია  მსმენელს შეასწავლოს  ინკლუზიური განათლების ღირებულებები და პრინციპები, უსაფრთხო გარემოს მოწყობა;  უნივერსალური დიზაინის პრინციპების გათვალისწინება სპეციალური საგანმანათლებლო საჭიროების მქონე ბავშვების სწავლების  პროცესში; სპეციალური საგანმანათლებლო საჭიროების მქონე ბავშვებთან მუშაობის სტრატეგიები; დამოუკიდებლობისა და ადაპტური ქცევის ხელშემწყობი აქტივობების განხორციელება, თემისა და ოჯახის ჩართულობის უზრუნველყოფის მნიშვნელობა; დაკვირვება, შეფასება და დოკუმენტაციის წარმოება.

პროგრამა უზრუნველყოფს კვალიფიციური სპეციალისტის  აღზრდას, რომელიც შეძლებს ადრეული განათლების და სკოლამდელ დაწესებულებეში შეზღუდული შესაძლებლობისა და  სპეციალური საგანმანათლებლო საჭიროების მქონე ბავშვებთან მუშაობას;

მსმენელთა პროფესიული გადამზადების მიზნით შექმნილი პროგრამა   სპეციალური საგანმანათლებლო საჭიროების მქონე ბავშვებთან მუშაობა სკოლამდელი აღზრდის დაწესებულებებში“ შედგენილია ავტორიზებული პროფესიული საგანმანათლებლო პროგრამა „აღმზრდელი“  02117-პ.  ექვსი პროფესიული მოდულისაგან;

განმსაზღვრელი შეფასება ტარდება მე-9 კვირას. მსმენელთა შეფასება ხორციელდება ტესტირებითა და პრაქტიკული დავალების შესრულებაზე დაკვირვებით. შეფასება ითვალისწინებს მხოლოდ ჩათვლის პრინციპებზე დაფუძნებული (კომპეტენციების დადასტურებაზე დაფუძნებული) სისტემის გამოყენებას და უშვებს შემდეგი ორი ტიპის შეფასებას:

ა) სწავლის შედეგი დადასტურდა;

ბ) სწავლის შედეგი ვერ დადასტურდა

მსმენელთა განმავითარებელი შეფასებები ტარდება სწავლების პარალელურად, როგორც თეორიულ, ისე პრაქტიკულ კომპონენტში.

პროფესიული გადამზადების პროგრამის დასრულების შემდეგ კურსდამთავრებული მიიღებს სახელმწიფოს მიერ აღიარებულ სერტიფიკატს დანართით, რომელშიც ფიქსირდება პირის მიერ პროგრამის ფარგლებში მიღწეული ცოდნა და უნარები.