გამოფენაზე კოლეჯ „მოდუსმა“ ფაბლაბ მოდუსის მიერ სასწავლო პროგრამებისთვის დამზადებული პროტოტიპები და სამკერვალო წარმოების პროფესიული პროგრამის სტუდენტების მიერ შექმნილი კაბები წარადგინა. დამთვალიერებელთა ინტერესი 3D პრინტერით დაბეჭდილმა კაბამ გამოიწვია. აღსანიშნავია, რომ 3D პრინტერით კაბა პირველად, რეგიონის მასშტაბით კოლეჯ „მოდუსში“ შექიმნა.

„განათლების კომპლექსური რეფორმის განსახორციელებლად, სამინისტრომ ბოლო ერთი წლის განმავლობაში საერთაშორისო დონორი ორგანიზაციებისგან 600 მილიონი ლარი მოიზიდა. ამ კუთხით, დღევანდელი დღეც განსაკუთრებულია, რადგან, პროექტი „დასაქმება და პროფესიული განათლება და გადამზადება“ II ფაზის ფარგლებში, ევროკავშირი და საქართველოს მთავრობა ახალ ხუთწლიანი პროგრამას იწყებენ, რომლის ბიუჯეტი 48.85 მილიონი ევროა (დაახლოებით 156 მილიონი ლარი). უმნიშვნელოვანესია, რომ პროექტი მიზნად ისახავს საქართველოს მასშტაბით შესაბამისი უნარებისა და პროფესიული განათლების, სწავლების, მეწარმეობის დარგში არსებული მომსახურების და საგანმანათლებლო შესძლებლობების თანხვედრას, მათ შორის ახალგაზრდებისთვის, ქალებისა და მოწყვლადი ჯგუფებისთვის“ – განაცხადა მიხეილ ბატიაშვილმა.