პროფესიული განათლების ინტერნაციონალიზაციის ფარგლებში განხორციელებულ მნიშვნელოვან საერთაშორისო პროექტში კოლეჯმა „მოდუსმა“ აქტიური მონაწილეობა მიიღო. დაწესებულების წარმომადგენელი, სასწავლო პროცესის ხარისხის მონიტორინგის სპეციალისტი ქეთევან გურგენიშვილი, 11 კოლეგასთან ერთად, გერმანიის დოქტორ ფრენკ ნიტამერის სახელობის ინსტიტუტში ერთკვირიანი სასწავლო ვიზიტით იმყოფებოდა.

ვიზიტის ფარგლებში შემუშავებული სპეციალური პროგრამა მოიცავდა როგორც თეორიულ, ისე პრაქტიკულ კომპონენტებს. მონაწილეებმა დეტალურად გაეცნენ გერმანულ დუალურ პროფესიულ განათლებას, მოინახულეს ადგილობრივი საწარმოები, ტრენინგ ცენტრები და საგანმანათლებლო დაწესებულებები.

კოლეჯ „მოდუსის“ ჩართულობა საერთაშორისო პროექტში ხაზს უსვამს დაწესებულების მზაობას, დანერგოს ევროპული გამოცდილება და კიდევ უფრო გააუმჯობესოს სწავლების ხარისხი. მიღებული ცოდნა და გამოცდილება მნიშვნელოვნად შეუწყობს ხელს კოლეჯში ინოვაციური მიდგომების დანერგვასა და საგანმანათლებლო პროცესის ეფექტურად წარმართვას.