მემორანდუმის ფარგლებში, კოლეჯებს შორის დაგეგმილია გამოცდილების გაზიარება, როგორც სასწავლო, ასევე ტექნოლოგიების მიმართულებით.

 თანამშრომლობის ფარგლებში, საერთო პროექტების განხორციელება იგეგმება, რომლის ფარგლებშიც სტუდენტებს და პროფესიულ მასწავლებლებს საშუალება ექნებათ, რომ ერთმანეთს თეორიული და პრაქტიკული გამოცდილება გაუზიარონ. სტუდენტებს შესაძლებლობა ექნებათ მონაწილეობა მიიღონ ოლიმპიადებში, სპორტულ და კულტურულ ღონისძიებებში.

  მხარეთა შორის თანამშრომლობის ხელშეკრულებას, კოლეჯი „მოდუსი“ დირექტორმა, კარლო კერვალიშვილმა და ლიეტუვის „Vilnius Builders“ კოლეჯის დირექტორმა მოაწერეს ხელი. აღნიშნული მემორანდუმის გაფორმების პროცესში, საერთაშორისო პარტნიორობის განვითარების მენეჯერი, ლევან კუპატაძე აქტიურად იყო ჩართული.